الجو حر والواحد بيسيح وهو قاعد فى مكانه.. واللى يفكر بس مجرد تفكير انه ينزل الشارع يبقى انتحر!
عشان كده جبنالك النهاردة الاختراع ده، زجاجة المياه البخاخة.. أفضل وسيلة انتعاش وترطيب وخصوصاً للرياضيين، ايه هى بقى الزجاجة البخاخة دى؟ انا اقوللك يا سيد الناس.. دى زجاجة مياه محمولة وصغيرة على قدك كده تقدر تاخدها معاك فى أى مكان تحبه سواء فى إيدك او فى شنطة الضهر او شنطة الايد كمان مش هتقول لأ.. حجمها صغير ومناسب لكل الشنط وشكلها شيك جداً على أى ستايل لبس..
أيوة طب ايه المميز فيها بردو؟ المميز ان فيها بخاخة صغير بتشتغل بزرار هتدوس عليه بصباعك هيطلع رذاذ خفيف يديلك أحلى انتعاش فى الصيف والحر، سواء بتلعب رياضة او بتمشى فى الشمس او بتركب مواصلات كتير ولا يهمك بعد كده.. لأنك هتقدر تشرب مياه نقية وكمان تستمتع بإحساس الرذاذ المنعش من البخاخة بضغطة زر صغيرة على البخاخ الجانبى ومش هتشيل هم الحر بعد كده.
الزجاجة البخاخة مصنوعة من خامات خاصة آمنة تماماً على المياه ومش بتعمل ريحة نهائى، وجسم الزجاجة قوى جداً مضاد للكسر والصدمات عشان تستحمل الوقعات والخبطات بدون أى مشاكل.. وأهم ميزة انها محكمة الغلق جداً ومضادة للتسريب يعنى هتاخدها معاك فى أى مكان بدون قلق انها تتفتح او تسرب مياه
