التنضيف ومسح الأرضيات والمحافظة على جمال ونضافة بيتك مش حاجة سهلة، بس احنا قررنا نسهلها عليكى! بنقدملك جردل عبقري متكامل للتنظيف المنزلى.. عدة متكاملة هتخلى بيتك بيلمع من النضافة بأقل مجهود ومن أول استخدام.. جردل ومساحة بتصميم مختلف عمرك ما شوفتى زيه قبل كده فى الشكل والامكانيات والسعر كمان، خلينا ناخد كل حاجة لوحدها عشان تعرفى الامكانيات الجبارة لعدة فيرتكس.. هنبدأ بالممسحة، ممسحة برأس عريض هيغطى معاكى اكبر مساحة وانتى بتستخدميها، ده غير ان الرأس بيلف 360 درجة عشان يتحرك معاكى بحرية فى كل الأركان والزوايا
تصميم الممسحة الرفيع جداً بيسمحلها انها تخش فى أضيق الأماكن، يعنى تحت الكنب والترابيزات وتحت السراير وكل الأماكن اللى مكنتيش بتعرفى توصليلها بالممسحة العادية، دلوقتى هتوصليلها بكل سهولة ومن غير أى مجهود ومن غير ما توطى او تنحنى كمان وده بفضل الرأس العريض وخاصية الرأس المتحرك فى جميع الاتجاهات، ده بالإضافة ان قماش الممسحة من المايكروفايبر اللى بيتميز انه بيزيل الأوساخ تماما وبياخد أى أتربة فى طريقه ومش بيسيب أثر على الأرض
والأهم كمان من ده كله ان رأس الممسحة بييجى معاها 2غيار من المايكروفايبر بنفس نوع القماش الأصلى اللى على الممسحة نفسها، وبكده يبقى عندك ممسحة 2 فى 1 عشان تعيش معاكى العمر الطويل وتفضل بنفس الكفاءة والآداء.. ، نروح بقى للجردل ويا عينى ع الجردل وجماله.. ده جردل 2 عين مخصص للممسحة الفيرتكس فقط، ليه بقى؟ ده لأن الفتحات بتاعته معمولة على مقاس رأس الممسحة بالظبط عشان يديلك أفضل تنضيف وأفضل تنشيف كمان
أول عين من الجردل بتتملى بالمياه والعين التانية بتكون فاضية.. أثناء الإستخدام بتحطى الممسحة فى أول عين وتنزليها وتسحبيها 3 مرات وهتطلعلك نضيفة كأنها جديدة، وده بفضل تقنية الغسيل فى الجردل وفتحة الغسيل اللى مزودة بفرشاة مخصوصة هتزيل الأوساخ والأتربة من رأس الممسحة تماماً وهترجعهالك كأنها أول استخدام، هتخلصى الخطوة دى وتخشى على الفتحة التانية اللى هى العصارة اللى هتنشفلك الممسحة تماماً من المياه لحد نسبة 80% جفاف ومش هتسيب نقطة
فتحة التنشيف هتاخد كل المياه من الممسحة وهترجعها على فتحة الغسيل تانى مش هتخزنها جواها عشان تفضل ناشفة وتقدرى تعصرى فيها مرات ومرات أثناء عملية التنضيف، والعصارة القوية هتنشفلك الممسحة تماماً لحد نسبة 80% جفاف على عكس الممسحة والجردل العاديين اللى بيدولك نسبة متكملش 50% وبتكون المياه كتير فى الممسحة وبتبهدل الدنيا، بتقومى بعملية التنشيف عن طريق من 4 إلى 6 سحبات فى العصارة على حسب احتياجك، وهتديلك تنشيف مدهش للممسحة
الجردل بيديلك غسيل وتنشيف هايل للممسحة لدرجة انك لو حطيتى عليها منديل بعد التنشيف المنديل مش هيتبل بالمياه! الجردل كمان مزود بإيد عشان تشيليه منها، والإيد دى متصممة عشان متكونش فى نص الجردل بالظبط لأن عندك فتحة مليانة وفتحة فاضية، تصميم ايد الجردل بيبقى فوق الفتحة المليانة عشان يديلك توازن ومتتعبيش وانتى شايلة الجردل.. وده هيخليكى تقدرى تحركى الجردل لأى مكان تحبيه بكل سهولة من غير أى مجهود ولا تعب ولا جرجرة على الأرض. ده غير فتحات التصريف اللي هتسهل عليكي انك تتخلصي من المياه من غير ما تضطري ترفعي الجردل وتدلقيه ويبهدلك الدنيا.
الجردل العبقري مصنع من خامات عالية الجودة.. هتعيش معاكى سنين وتستحمل الشغل التقيل وهتخلى بيتك بيلمع من النظافة.
